TYRION LANNISTER
"Mahaba ang kuwento kaya hindi ko na ikukuwento sa 'yo lahat."
Naglakad muna kami sa ilalim ng puno na pinagtataguan ko kanina at sabay kaming umupo roon.
Ngayon ko lang napansin na marami na rin pa lang galos sa katawan at mukha ni Aurora ngayon. Halatang kakagaling lang niya sa laban at mukhang hindi pa siya nakakapagpahinga.
"Nang mawala ka ng malay ay bigla rin naglaho ang espasyo na ginawa ni David para ipakita ang mga kapangyarihan namin sa 'yo. Pagkatapos ay bigla na lang sumulpot ang mga kalaban. Ang ibig kong sabihin, ang mga alagad ni Vlamir."
Huminto sandali sa pagsasalita si Aurora at muling bumuntong hininga ng malalim. Hindi niya maituloy ng sunod-sunod ang pagkukuwento niya dahil parang nahihirapan siyang alalahanin ang mga bagay na nangyari sa kani
