Abot-tainga ang aking ngiti habang nakatitig kay Olivia na nilalantakan ang binili kong Taiyo No Tamago sa Japan. Ngayon ko lang nalaman na may ganito palang klaseng manga, kung hindi pa sa akin sabihin ni Olivia na ibili siya ng ganoon ay hindi ko pa malalaman.
Nakita niya ito sa social media kaya nalaman niya rin. Ipapabili ko sana ito sa aking tauhan ngunit nagdabog siya dahil gusto niyang ako mismo ang bumili noon. Matatanggihan ko ba siya?
Gustong gusto ng mag-ina ko ang mamahaling manggang iyon.
Inabot ko ang gilid ng kaniyag labi saka ito pinunasan gamit ang tissue. “Masarap ba?”
Mabilis siyang tumango habang dinuduyan ang kaniyang dalawang paa. Hindi siya makapagsalita dahil punong-puno ang kaniyang bibig. Para siyang bata na binigyan ng paborito niyang pagkain.
“May gusto
