After 4 days:
Faith's Pov:
Dahan-dahan kong iminulat ang mga mata ko, bahagya pa akong napangiwi ng may maramdaman akong kirot sa bandang noo ko dahilan para dahan dahan kong iangat ng pilit ang kamay ko para mapahawak sa noo ko ng bigla kong makapa ang benda. Anong nangyari? Nasaan ako? Muli akong napapikit saka napadilat.
" Nasa--nasaan ako?"
" Oh thanks God Faith ! Nagising ka na din sa wakas. Teka tatawag lang ako ng doktor." mabilis na sabi ni Ybeth na tatalikod na sana.
" Wa--wag na." Sambit ko, napapasapo ako sa noohan ko habang pinipilit kong bumangon.
" Anong--ano bang nangyari?"
" Bumangga yung sinasakyan niyo ni Hope, ano bang nangyari huh? Ganun ka na ba ka baliw para pangunahan yang kamatayan mo para sa lalaki?" Singhal ni Ybeth. Bigla naman akong nakaramdam ng kaba.
