Pucha! Hanggang ngayon para pa rin akong sinisilihan sa puwet. Nakakahiya mang aminin pero pakiramdam ko sasabog ang puso ko sa saya sa tuwing kasama ko siya. Alam kong para na akong timang sa kakatingin sa sonogram ng baby namin ni Piggy. Pero wala akong pakialam doon dahil ngayon pa lang ay excited na akong mahawakan siya.
Pasipol-sipol pa ako habang naglalakad mula sa parking lot papunta sa elevator na magdadala sa akin sa floor kung nasaan ang unit ko. Maya’t-maya ay tumitingin rin ako sa sonogram ng panganay namin ni Piggy. Kinuha ko kasi ulit ito mula sa wallet ko at tiningnan ulit. Kahit black and white lang iyon at di pa masyadong kita ang mukha dahil simpleng sonogram lang ‘yun at hindi 3D ay para pa rin akong idinuduyan sa tuwa. Ni hindi ko na alintana ang nasa paligid ko dahil
