Pagkagaling namin ni Daddy Edwin sa ospital ay agad akong tumakbo sa second floor para puntahan si Piggy. Nang marating ko ang kwarto niya ay huminga pa ako nang malalim bago dahan-dahan na pinihit ang siradura para buksan ang pinto.
Nakita kong nakahiga si Piggy sa kama at nakatalikod sa pinto. Nagpakawala ulit ako ng malalim na buntong hininga. Nagpagpasyahan kong maligo na muna at mag-toothbrush bago ko siya lapitan. Alam kong sensitive ang mga pang-amoy ng buntis at ayokong maamoy niya si Angel sa akin.
Binilisan ko ang pagligo ko at ilang saglit pa nga ay nakalabas na ako ng banyo at nakasuot na ng jersey shorts na black at puting plain t-shirt. Nakatalikod pa rin si Piggy at hindi pa rin gumagalaw. Napabuntong-hininga ulit ako. Kinuskos ko ang buhok ko gamit ang puting tuwalya par
