CLARISSE POV
"Hindi na pala ako sasama sa pagpunta ninyo ng bayan," anunsyo ko kina Gilmarie at Alphase. Agad naman na nangunot ang noo ni madam kaya kinailangan kong mag-isip ng maganda-gandang alibi. "Bigla kasing nag-iba ang tiyan ko. Baka mamaya habang papunta tayo ng bayan, saka mag-alburuto," palusot ko.
Ang totoo niyan ay may hinihinging pabor sa akin si Andrius. Nagulat din ako nang lapitan niya ako kanina matapos kong makapag-ayos at sinabihan ako na kung pwede ay huwag na sumama kina Gilmarie dahil gusto niyang magpatulong sa akin sa isang bagay na ihahanda niya. Isang bagay na hindi naman para sa kaniya kaya niya gagawin.
"Bale magpapabili ka na lang ng panregalo mo?" tanong ni Gilmarie sa akin na agad ko namang tinanguan. "Kung gano'n ay aalis na kami para maaga kaming mak
