Kailanman ay hindi ako naghangad ng marangyang pamumuhay at kontento na sa kung anong kayang ibigay ng parents ko. Kung may gusto man akong bilhin, pag-iipunan ko iyon.
Tahimik lang ang buhay namin sa Aldwyne, payapa at masaya.
Pero kung anong kontento ko sa aming buhay ay siya namang kabaliktaran ng aking ama at ng kakambal ko dahil nagtatago sa tahimik na pagkatao ni papa ang pag-aasam na maghiganti samantalang ang kakambal ko ay maraming hinahangad.
-
"Hindi Aly, kukunin lang natin iyong kinuha nila. Sa atin iyon, pinaghirapan ng lolo at lola natin na pinalago ni papa, babawiin lang natin ang dapat ay sa atin."
-
Napabuntong-hininga ako at isa-isang pinagmasdan ang pamilya ko. Naiiyak na naman ako. Bakit ba nangyayari sa amin ito? Ano ba ang kasalanan namin? Alam kong mali ang gu
