GINAMIT ko ang likod ng palad para punasan ang pawis sa aking noo. Pareho kami ng kaibigan ang pinagpapawisan na dala ng pagod. Abala kami sa pagre-repack ng mga damit na in-order sa amin sa online. Mamaya lang ay ida-drop off na namin ito sa magshi-ship.
Mas madali sana kung may printer kami para kami na lang mismo ang gagawa ng waybill. Kapag gano'n, ang kompanyang magshi-ship nito ang mismong kukuha ng parcel sa bahay. Ang kaso nga lang, dahil wala pa kaming printer ay tiis muna kami ni Lexi sa ganito. Siguro kapag nakabawi na kami sa puhunan namin ay saka kami kukuha ng printer para hindi na mahirapan sa pagpapa-ship ng mga parcel.
"Ate Katie! Ate Katie!"
Natigilan ko ang ginagawa nang marinig ang boses ni Yuan. Pinagkunootan ko siya ng noo nang makitang may dala siyang isang palump
