TODO ang pagpipigil ko ng ngiti habang naghahain ng pagkain sa lamesa. Kanina ko pa kasi nararamdamang nakatitig sa akin si Khai na hindi ko naman pinapansin. Hindi naman sa gusto ko siyang ignorahin lang, kaso may iba kaming kasama sa kusina kaya hindi ko siya magawang kausapin.
Napaseryoso ako nang mapansing pati si Mr. Hakenson ay napapatitig na sa anak. Lantaran kasi ito kung pagmasdan ako. Bigla akong nakaramdam ng hiya at kaba sa maaaring isipin ng matandang Hakenson. Napag-usapan pa naman naming dalawa ang tungkol sa amin ni Khai noong huli kaming magkausap.
Nang matapos sa paghahanda ng agahan ng mag-ama, nagpaalam ako kay Manang Cecilia para lumabas na ng kusina. Paraan ko na rin ito para matakasan ang mga tingin ng mag-amang Hakenson.
Dumeretso ako sa hardin ng bahay para magw
