"Knight, we're fine. Maaabala ka na namin nang sobra," giit na tanggi ni Cali sa alok ni Knight na ihatid sila pauwi.
"Si Lolo ang iniisip ko kaya 'wag ka ng tumanggi. Kung gusto mo, magtaxi ka tapos ako, ihahatid ko sina Lolo at Lola pauwi," pamimilit naman ng binata na talagang balak pa siyang 'di isama kapag patuloy siyang tumanggi. "Payag kayo, 'di ba po, Lola?" Baling nito kay Lola Clarita na natatawa na lang na pinapanood sila.
"Oo naman, Doktor. Kahit na nakakahiya ay payag ako. Mas nakakahiya kasing tanggihan ang kabutihang loob mo," sagot ni Lola.
"Knight na lang po, 'La. 'Wag na pong Doktor, kaibigan ko naman po si Cali."
'At magiging apo-in-law n'yo po siya kay Emily, 'La,' dugtong ni Cali sa isip niya.
Speaking of which, mabuti na lang at hindi binabanggit ni Knight sa m
