Hindi maialis ni Marie ang ang tanong na naglaro sa kanyang isipan mula nang makausap niya si Ronaldo Esguerra. Hindi maalis sa isip niya ang maaaring totoong dahilan ng pagtatakip sa malaking trahedya panghimpapawid ng taon. Binagabag siya ng mga tanong na iyon hanggang sa kanyang pagtulog at dumagdag pa ito sa kanya mga iniisip. Kaya naman mas naging mahirap kay Marie ang nakaraang mga gabi.
Katatapos lang ni Marie sa trabaho at tinitigan niya ang contact card na ibinigay ng lalaki. Iniisip niya ang mga sinabi ni Ronaldo, at gusto talaga niyang tumulong dito. Nalulungkot talaga siya para sa mga taong namatay sa aksidenteng iyon. Lalo na sa mag-ina na tinulungan nila ni Eric. Totoo, sa dami ng mga nangyari sa kanya ay halos nakalimutan na niya ang tungkol doon. Pero ngayong may nagpaalal
