Natapos na ang oras ng dalaw at kailangan ng umuwi nila Marie. Kailangan pa niya kasing pumasok bukas. Ang totoo, ay ayaw niyang pumasok muna para maasikaso ang bunsong kapatid. Pero bago pa lang siya sa trabaho at hindi maganda kung liliban siya kaagad. Kinausap niya ang bunsong kapatid at sinabing sila Marco at Mark muna uli ang mag-aalaga sa kanya. Malungkot man ay wala ring magawa ang kapatid kaya tumango na lang ito bilang tugon at nagpaalam sa ate sa pamamagitan ng isang halik.
“Ate, gusto ko sanang mamamasyal sa sunod mong pagdalaw. Baka pwede ka pong magpaalam kay doc. Ipaalam po ninyo na mamamasyal tayo,” hiling ni Matthew sa kapatid.
Hinimas ni Marie ang kamay ng kapatid at pagkatapos ay nangako siya na mamamasyal sa susunod. Sigurado kasing miss na miss na nitong mamasyal at g
