Maagang nagising si Marie para maagang makapunta sa ospital. Mabuti na lang at napagod siya sa mga ginawa kahapon at nakatulog siya ng maaga. Tinulungan naman siya nila Joan at Jigs na mag-grocery pero sadyang na-stress siya sa natuklasan niyang relasyon ng dalawa. Naikwento naman ni Joan ang lahat kay sa kanya at naintindihan naman niya ang lahat. Kaya naman hindi na siya tumutol pa sa relasyon ng kaibigan.
Wala na si Marco at Mark pagkababa ni Marie. Nag-iwan na lang ng sulat ang dalawa na maagang umalis at may kanya-kanyang mga aasikasuhin. Naghanda na ng agahan ang dalawa kaya naman kumain na lang si Marie pagkatapos maligo at maghanda.
Habang kumakain ay hindi sinasadyang napatingin si Marie sa isang larawan na nakadikit sa pader. Nilapitan niya ang larawan at kinuha iyon. At bigla
