Aprubado kay Eric ang proposal na ginawa ni Marie. Pinirmahan na niya ang budget nito at ipinahanda na ang mga kailangan. At dahil doon ay natuwa ng husto kay Marie ang boss niya. Kaya naman binigyan siya ng isang malaking bonus at hinayaang magbakasyon ng dalawang araw bago nila simulan ang naihandang proyekto. Laking pasasalamat ni Marie sa kabaitan at oportunidad na ibinigay sa kanya sa bagong trabaho. Kaya naman ipinangako niya sa kanyang sarili na mas pagbubutihin pa. Hindi lang para sa kanya kundi para rin sa kompanyang tumanggap sa kanya.
Dahil walang pasok ay naisip ni Marie na dalawin at bantayan si Matthew sa ospital. Pero pinigilan siya ni Marco at sinabihang bukas na lang pumunta sa ospital para makapagpahinga muna siya. Tumutol pa si Marie sa mungkahe ng kapatid pero hindi na
