Lalong bumuhos ang ulan at naging dahilan iyon ng pagkakaroon ng mabigat daloy ng trapiko. Halos kalahating oras na sila Marie at Gerone sa kalsada at tila hindi talaga gumagalaw ang mga sasakyan. At ayon sa balita sa radyo na pinakikinggan nila ay mas lalakas pa ang ulan sa mga darating na araw.
Magkasama man sa loob ng sasakyan ay hindi kinikibo ni Marie si Gerone. Sa likod sumakay si Marie at hindi sa tabi ng driver’s seat. Ayaw naman niya talagang sumabay dito. Pero gustong-gusto na niyang makauwi para makapagpahinga pa at may pasok pa siya ng mamaya sa part-time niya. Pero sa ganitong klaseng panahon, ay marahil hindi na siya makakapasok doon. Isa pa, medyo marami siyang dala dahil iniuwi na niya ang mga gamit niya mula sa opisina. Napabuntong hininga na lang ang dalaga habang iniis
