Araw ng Biyernes. Maagang naka-uwi si Marie mula sa trabaho. Sakto rin at araw ng sahod at nakatanggap din siya ang isang di-kalakihang bonus mula sa bago niyang amo. Kaya naman dumeretso si Marie sa ospital para bisitahin ang bunsong kapatid. Bumili siya ng paborito nitong hotdog sandwich at apple juice na matagal na niyang hindi nabibili para dito. Madalas kasi na sakto lang ang sinasahod niya para sa mga gastusin sa ospital at sa bahay. Mabuti na lang din at ma-diskarte sila Marco at Mark at hindi madalas umaasa sa kanya.
Hindi dumeretso si Marie sa kwarto ng kapatid. Binayaran muna niya ang kulang nila sa ospital at pinuntahan ang doktor ni Matthew. Binigyan din niya ito ng munting regalo dahil sa naging tulong nito sa kanila at sa hindi nito pagsuko sa kapatid nilang akala nila ay w
