Karina's pov:
"Mamasyal pa tayo?" tanong ko kay Noah habang palabas kami ng simbahan. Samantalang si Harvey ay nasa likod lang namin.
"Oo, para naman makagala kayo ni baby Gadriel pero kakain muna tayo," wika niya habang hinahalik-halikan ang aking anak sa pisngi.
"Kasama ba si Harvey?" painosente kong tanong.
Umigting ang kan'yang panga sa aking tanong. Madilim niyang tiningnan si Harvey na ngayon ay nilalaro na din ang aking anak na si Gadriel.
"Ano pa bang magagawa ko? mukhang sasama naman talaga 'yan!" sambit ni Noah na ikinatuwa ko.
Papayag din pala eh! akala ko hindi eh.
Kumain kami sa isang sikat na restaurant. Habang nag-uusap kami ni Harvey ay panay ang simangot at dabog ni Noah.
"Okay ka lang?" tanong ko ng ilang beses mahulog ang kutsara niya. Sa tuwing nalalaglag iyon
