Karina's Pov:
Nang makarating kami sa mansion nila Noah ay marami ng bisita ang dumating. Isa-isa niya akong ipinakikilala sa tuwing may makakasalubong kami na kamag-anak niya.
Bawat madaanan namin ay pinupuri ako at sinasabing bagay kami ni Noah. Nahihiya ako sapagkat palagi kaming napapagkamalang magkasintahan, kahit hindi naman talaga.
Habang nakikipagusap si Noah sa mga kamag-anak niya ay nakikita ko kung gaano siya kabait at kagalang sa mga ito. Hindi ko alam na otomatiko na pala akong napapangiti habang nakatitig sa kan'ya. At kung hindi magsasalita ang kan'yang pinsan ay hindi pa ako mahihimasmasan mula sa pagkatulala kay Noah.
Tila napapansin iyon ng kan'yang mga pinsan at napapangiti ng bahagya kapag napapatingin sa akin.
Niyaya kami ng isang pinsan niya na doon magtungo sa l
