Bahagya akong napahinto sa pagnguya ng may maalala. Pasimple kong sinulyapan ang mga kasambahay na nakahilera malapit sa hapagkainan.
Lihim na kumunot ang noo ko. Ang pagkakaalam ko may bagong maid?
Baka hindi siya sa kusina naka-assign?
Oy! Hinahanap niya?
Bigla akong napailing sa panunukso ng kabilang bahagi ng isipan ko.
Ito ang unang pagkakataon na nagka-interes ako sa isang katulong. Nang dahil lang sa malambing at nakaka-akit nitong boses.
Lihim akong napabuntong-hininga at nagpatuloy sa pagkain.
"Mabuti naman anak at naisipan mong magbakasyon ng matagal-tagal dito?" Si mommy.
"Yes mom. Nakakamiss rin ang Pilipinas. Gusto ko ring bisitahin ang ilang negosyo rito bago ako bumalik ng Singapore."
"So, hindi pala kami kuya ang namiss mo, kun'di ang Pilipinas?" biglang singit ni
