Hindi mailalarawan sa mukha ko ang kasiyahan habang dinidiligan ang mga halaman.
Alas sais pa lang ng umaga ng mga oras na iyon. Palibhasa sanay akong gumising ng maaga. Nakapagwalis na rin ako sa palibot ng bahay.
"Magandang umaga, Mayor? Napaaga po yata kayo?"
Bigla akong napa-angat ng tingin.
Sa kabilang bahay may nakahintong magarang sasakyan at may nakatayong isang lalake na mukhang ito ang nagsalita.
Parang kausap nito ang nasa loob ng sasakyan? Nakaharap sa akin ang sasakyan nito. Kaya siguradong makikita ako kung sino man ang driver no'n.
Bumalik ako sa loob ng bahay at nag-igib ng tubig. Kalahati lang ang inilalagay ko sa timba at bawal sa akin ang magbuhat ng mabigat.
Nagulat ako ng marinig ang boses ni Nanay Estela.
"hija, Nadz?" Pagtawag nito.
Kaagad naman akong lumab
