"Nay, napansin niyo po bang bumaba si Alex?"
Tumitig ito sa akin. Nasa kusina kami ng mga oras na iyon.
Kanina pa ako balisa at maghapon na 'di ko man lang ito nakita. Ni hindi nito nagawang pumunta sa akin.
Hindi naman kasi ako pumayag sa gusto nitong manatili mismo sa kuwarto nito. Mas gusto ko pa ring nandito ako sa kuwarto ni Nanay Len.
Ayokong pag-isipan ako ng pamilya nito na masyado akong pelinggera.
Kahit kaninang umaga, walang kumain ng almusal ng sabay-sabay. Pinauna na nga ako ni Nanay Len at tanghali na wala pa ring lumalabas sa mga ito.
Kaninang tanghali naman, ganoon pa rin ang nangyari. Lumabas nga ang dalawang kambal ngunit umalis din ng mansion.
Kaya ang nangyari, nakisabay na lang akong kumain kila Nanay Len.
"Hindi ko napansin 'nak. Pero pagpasok ko sa lib
