“Shh… it’s me, Ariyah. H’wag kang sisigaw kundi pareho tayong malalagot kapag nahuli tayo.”
Unti-unting humupa ang kaba at takot na nararamdaman ni Ariyah nang marinig niya ang boses ni Tres, na siyang tumakip sa bibig niya.
Mabilis niyang inalis ang kamay nito at umikot paharap at hinampas niya ito sa dibdib. Napangiwi pa siya sa tigas ng dibdib nito at medyo nasaktan ang kamay niyang ginamit sa paghampas dito.
“Pinapakaba mo ako!” galit na sabi niya pero pabulong lang dahil ayaw naman niyang may makarinig sa kanila mula sa labas at pare-pareho talaga silang malilintikan. “Bakit ka nandito? Anong ginagawa—” natigil siya sa pagsasalita at nilingon ang kasama nito na nakatayo malapit sa desk ng kaniyang ama.
Hindi lang niya makita kung ano na ekspresyon ng mukha ng lalaki dahil madili
