SA ISANG iglap lamang ay natawid ni Gatdula ang pagitan nila nang dalaga. Walang paalam na kinabig niya ito sa baywang upang ilabas mula sa pinagtataguan nito sa likod ng pinto ng refrigerator at dinala sa katawan niya.
"G-gatdula!" mahina at nag-aalangan na sambit ni Maisha sa pangalan ng binata. Labis na kumakabog ang kaniyang dibdib dahil sa ginawa nito. Lalo pa't ramdam niya ang katawan nitong nakalapat sa katawan niya. Hindi sapat ang manipis na tela ng kaniyang pantulog upang maharangan no'n ang init na naglalakbay sa katawan nito papunta sa kaniya.
"Shhh!" anito at mabilis na inilagay sa tapat ng mga labi ni Maisha ang isang daliri niya para patigilin ito sa pagsasalita. "Damn it love." nanggigigil na saad nito habang titig na titig sa mga mata ni Maisha. Minsan pang ipinagpalipat
