KANINA pang nakatayo sa labas ng mansion si Maisha at hinihintay ang pagdating ng asawa. Mag a-alas onse na rin ng gabi. Malamig na simoy ng hangin ang dumadampi sa buo niyang katawan, maging ang mga lamok na kumakagat na rin sa kaniyang mga braso at binti... ngunit hindi iyon alintana para sa kaniya. Paroo't parito na rin ang kaniyang lakad habang nakatanaw mula sa malaking gate na may limang minuto ang layo kung lalakarin galing sa tapat ng mansion. Pero kagaya kanina, wala pa rin siyang matanaw na sasakyan nang lalake.
"Nasaan ka na ba kasi?" magkahalong inis at pag aalalang tanong ni Maisha sa kaniyang sarili.
"Señorita, puwede pong sa loob na lang kayo maghintay kay señorito Gatdula. Malamok na po rito sa labas. Ako na po ang maghihintay sa kaniya rito." anang isang kasambahay nila
