DAHAN-DAHAN na bumukas ang malaking pinto ng simbahan. Nasa tabi pa rin ni Maisha si Gatdula habang hindi nito pinapakawalan ang kaniyang kamay. Ramdam ni Maisha ang mas lalong paghigpit ng hawak nito sa kaniya na tila ba'y takot itong makawala siya mula rito. Nag angat siya ng paningin sa binata.
"L-love, ano'ng ginagawa natin dito?" nagtataka pa ring tanong ni Maisha.
Hawak ang kaniyang mga kamay ay seryosong humarap sa kaniya si Gatdula. Parang may pakiramdam ang dalaga na ito naman ang gagawa ng kakaibang surprisa sa kaniya sa araw na iyon. Inaalon ng kaba ang kaniyang dibdib, lalo na no'ng matitigan niya ng mabuti ang mga mata nitong mapupungay at nang-aakit pa. Mayamaya'y hindi na rin nito napigilan pa ang pagsilay ng ubod tamis na ngiti sa mga labi.
"I know that this is not part
