Nang mapagod sa paglusong sa tubig ay ipinasya niyang umahon na muna. Habang tinutungo ang kinaroroonan ng bakanteng lounge chair ay may humarang sa daraanan niya.
Manghang napatingin siya sa malaking bulto ng nakangiting lalaki. Isa ito sa mga pinsan ni Zac.
Nahantad ang dalawang malalalim na dimple nito na lalong dumagdag sa nakakaakit na mukha nito. Malaki ang pagkakahawig nito kay Liam Hemsworth na isang kilalang aktor sa Hollywood. Sa itsura nito ay halatang may dugong banyaga.
"Hi, gorgeous," masiglang bati nito sa kanya. Malawak ang ngiti nito.
"H-hi," kiming bati niya habang nakangiti ng tikom ang bibig.
Mas gwapo pala ito sa malapitan.
"By the way I'm Luke Anderson," pagpapakilala nito sabay lahad ng kamay.
"Nice to meet you, Luke. Ako pala si Tricia," pakilala niya
