PHIL POINT OF VIEW
"Bakit ba nakabusangot ka? Ang ganda-ganda mo ngayon, oh," nakatalungko kong tanong kay Philie habang nakahawak sa pisngi niya.
"Eh, paano, daddy. Ang dami pong tao sa labas."
"Kinakabahan ka?" Tinawanan siya ni Diana. Lalo siyang nagmuryot sa mommy niya at yumakap nang mahigpit.
"Wow! Ate Philie, ang ganda mo naman po?" Lapit ni Sean sa kanya habang akay si Princess na naka-costume ng puno.
"Ang cute mo naman," bati ko sa kanya na ikinatawa niya nang napagka-cute. Umalis siya ng hawak kay Sean at yumakap sa akin.
"Daddy Phil, si Prince po mas cute." Turo niya kaya napatingin kaming lahat.
Nakikipaghilahan sa kanya si Cindy na para bang nahihiya siyang lumapit dito.
"Dali na, Prince," saway ni Cindy.
"Anong meron?" nakangiting tanong ng asawa ko. Pilit niyang s
