Hazel’s Pov
NAGISING AKO na masakit ang ulo ko. Agad kong sinapo ang noo ko at iminulat ang isa kong mata para tignan kung nasaan ako. Napaupo ako mula sa pagkakahiga ng makita kong hindi pamilyar sa ‘kin ang kwartong ‘to.
Ipinalibot ang tingin sa kwarto at puro puti ang nakikita ko. Mula sa kulay ng pader, kulay ng kurtina at maging ang hinihigaan ko ay puti din. Nasa mental hospital na yata ako.
Bigla kong naalala na ang huli kong kausap ay si Naomi. Pilit kong pinagtatagpi-tagpi ang lahat at halos mapamura ako ng maisip ko na baka kagagawan talaga ‘to ni Naomi. Siguro ay gumaganti siya sa ‘kin kaya niya siguro ‘to ginawa. Humanda talaga sa ‘kin ang babaeng yun. Naawa pa ako sakanya tapos ganito lang pala ang gagawin niya sa ‘kin.
Bumangon ako sa kama at lumapit ako sa pinto para m
