"Ayoko na! Tama na! Mag-dropped ka na lang!" Ibinagsak ko sa lamesa ang ballpen na hawak ko at padabog na sumandal sa upuan ko.
"Napakahina mo namang nilalang!" nakangisi niyang bulong at para bang siya pa ang masama ang loob.
"Wow, ha? Ako pa talaga ang mahina ngayon? Division nga ay hindi mo kayang i-solve, e! Paano ka ba naka-graduate ng elementary at high school ng hindi mo alam kung paano i-solve ang division?" Sa inis ko ay nagpamewang na ako.
"E, bakit nangmamaliit ka? Division lang iyan, ah?"
Sumasagot pa talaga! Tama ba namang sabihin niya iyon?
"Oo, division lang! Division lang iyan pero kasama iyan sa solving process para masagutan mo ang assignment natin kay Ma'am!"
Grabe! Kunsuming-kunsumi na talaga ako!
"Ayoko na talaga! Suko na ako sa iyo, Kevin! Kahit na mag-tumbli
