KINAKABAHAN at nangangatog ang aking mga tuhod habang umaakyat ng hagdan papunta sa roof top. Nandoon kasi ang court o minsan tinatawag na event center.
Dahil sobrang laki ng espasyo sa itaas at iyon na rin ang 8th floor, ginawa na lamang iyon na event center at doon din ginaganap ang mga patimpalak sa school. Ang volleyball, basketball, table tennis at marami pang iba.
Nakapalibot din ang napakaraming upuan paitaas sa mismong lapag ng court na iyon. Kung alam niyo ang Philippine Arena at ang set-up ng upuan doon, gano'ng-ganon ang event center namin. Lahat ng students sa school, kapag may event doon ay nagkakasya ang lahat sa sobrang laki at lawak nito.
Hindi nagtagal ay gumamit na kami ng elevator. Sobrang haba pa ng hahakbangin namin sa hagdan kapag tinungo namin ang 8th floor. Ngay
