NAGISING ako nang dahil sa sikat ng araw mula sa bintana.
"Ang sarap ng tulog ko," mahina kong bulong at nag-unat ng katawan nang maramdaman kong nasa malambot akong kama at nakakumot pa.
"Teka?" Napabalikwas ako at kaagad na napaupo mula sa pagkakahiga.
"Ano'ng ginagawa ko rito? Ang pagkakatanda ko ay sa sala ako natulog," nagugulumihanang tanong ko sa aking sarili at saka nilibot ng tingin ang kabuuan ng paligid ko.
Nandito pala ako ngayon sa kwarto.
"Nasaan si Kevin?"
Bababa na sana ako sa kama upang hanapin siya nang bigla ko siyang nakita sa lapag at nakabaluktot. Kasulukuyang siyang natutulog ngayon.
Ayoko sanang ngumiti ngunit hindi ko mapigilan. Marahil ay binuhat niya ako mula sa sala papunta rito at kinumutan. Nakatutok pa sa akin ang electricfan habang siya ay wala man la
