HANGGANG ngayon ay hindi pa rin ako makatulog. Ito na ang second day ng program at may mga sasabak na sa drama mamaya.
Tinignan ko ang orasan at mag-a-alas kwatro na ng madaling araw. Buong buo pa rin sa isip ko ang mga sinabi ni Kevin kahapon sa stage habang pinanonood kami ng maraming tao. Sinabi niyang mahal niya ako at pinatunayan niyang kaya niya akong ipagmalaki sa mga tao.
Sino ba naman ang hindi kikiligin kapag ganoon ang lalaking nagugustuhan mo, 'di ba? Ang ikinaiinis ko lang kung bakit hindi siya tuluyang umamin sa akin. Bakit palagi niyang sinasabi iyon pero wala namang pag-amin. Ano ba ang malay ko kung pinagpustahan o pinag-ti-trip-an niya lang pala ako. Pero mukhang malabo naman iyon.
Parang 'yung kami ngayon, malabo. Malabong-malabo. Ang hirap ng walang label. Iisipin
