NANGLULUMO ako sa mga nabasa ko nang buksan ko ang social media account ko. Kalat na pala sa school ang nangyari kay Kevin. Ngayon na ako ang nagbabantay sa kaniya nang halos dalawang buwan ay ako pa ang lumabas na masama. Dapat si Fiona raw ang nandito dahil si Fiona ang fiancé ni Kevin. Pero ako ang girlfriend, ‘di ba?
Oo, mayaman sila. Hindi nila ako dapat maliitin. Pwede namang magpunta rito si Fiona, e. Para makita niya ang kalagayan ni Kevin. Pero hindi ko matatanggap na sasabihin niyang fiancé niya si Kevin gayong wala pa akong naririnig mula sa mga labi ni Kevin na magpapakasal na sila. Kapag si Kevin ang nagsabi mismo sa akin, tatanggapin ko. Pero malakas ang loob ko na ako ang pipiliin niya dahil kami naman talaga ang tunay na magkarelasyon. Alam niya iyon! Dapat niya lang mar
