NAPASABUNOT ako ng buhok nang hindi ko na kinaya ang paulit-ulit niyang pagkanta sa isip ko.
“Wala ‘yon basta para sa ‘yo...”
“Argh! Hindi ko na kaya!” Napabalikwas na ako at bumangon.
“Nakakainis ka, Kevin! Ang gulo mong tao! Magpatulog ka nga!”
Umiling ako pakaliwa’t pakanan. Parang gusto ko nang umiyak sa inis.
“Ang sakit na ng ulo ko. Gusto ko nang matulog. Utang na loob naman! Mababaliw na ako!”
Hindi kasi ako makatulog dahil kay Kevin at sa sinabi niya kanina. Palagay ko ay mababaliw na ako nang tuluyan. Alas tres y medya na ng madaling araw at hindi pa rin ako nakakatulog samantalang alas nwebe pa lang ay inihatid niya na kami pauwi rito.
“Jusko naman, Bianca! Matulog ka na kung ayaw mong magmukhang zombie bukas!”
-
Kinabukasan, tanghali na nang magising ako. Naligo at gum
