BINASAG ni Charles ang nakakailang na kapaligiran ng magsalita ito.
“Oo nga pala, Ate. Paano tayo makakapag-grocery niyan? May pilay ka, e. Bakit ba naman kasi hindi ka nag-iingat? Mabuti na lang, hindi ako nagmana sa 'yo." Tuluyan itong bumaba ng hagdan at lumapit sa akin.
Ayos din 'tong kapatid ko, e. Makalampa, wagas!
“H'wag ka na lang kumain hangga’t pilay ako para makatipid na rin tayo," biro ko.
“Ano? Hindi kakain? Alam mong hindi ko 'yon kaya! Tignan mo, oh!” Inililis niya ang damit at hinawakan ang tiyan niya. “Gutom na gutom na ako, Ate!" dugtong niya nang biglang tumunog iyon nang malakas. Natawa na lang kami ni Kevin sa kaniya.
Nahihiya siyang kumamot ng ulo at muling nagsalita, “Sabi ko naman sa 'yo, gutom na ako, e.”
“Kung gano'n, bumili ka na lang ng pancit canton diyan
