"CHARLES!" mahabang sigaw ko sa pangalan ng kapatid ko. Nakapamewang ako habang magkasakubong ang mga kilay kong nakatingin sa hagdan.
Ang tagal naman ni Charles!
"Charles! Nasaan na 'yong libro? Bilisan mo naman! Ang tagal mo, e! Bumaba ka na!" Utos ko.
"Sandali lang, Ate! Aray!"
Kumalabog ang itaas. Mukhang nalaglag pa yata o nadulas.
"Ano'ng nangyari sa 'yo?"
"Bumagsak ako sa sahig, Ate! Nalaglag ako mula sa kama mo. Ikaw kasi! Minamadali mo ako masyado! Nauna tuloy ang puwet ko!" Reklamo nito.
Walang hiyang batang ito! Kasalanan ko pa? Libro lang ang pinakuha ko, nagreklamo pa?
Maya-maya ay bumaba na siya nang nakahawak sa balakang niya.
"Oh!" Padabog niyang iniabot sa akin ang libro. Kinuha ko naman agad.
"Ang sakit tuloy ng puwetan ko!" dagdag pa nito.
"Pinakuha lang kita
