NANG umalis si Fiona, agad akong tumayo. Hinanap ko ang dati kong cellphone. Siguro naman ay may cellphone ako dati, 'di ba?
Hinalughog ko ang mga maleta, drawer, at sulok-sulok ng kwarto ko hanggang sa may nakita akong isang cellphone na mukhang pamilyar ang itsura. Tinignan ko agad iyon at binusisi.
Muli akong bumalik sa kama at sinubukang buksan ito ngunit hindi bumukas. Baka low bat na. Muli akong tumayo at kinuha ang powerbank at connector ko. Bumalik ako sa kama at sinaksak iyon hanggang sa nabuhay.
Mukha ngang low bat na low bat na ito.
Hinayaan ko munang mag-charge nang pansamantala ang nakita kong cellphone at mula sa bulsa ko ay kinuha ko ang isa ko pang cellphone. Ito ang ibinigay sa akin ni Fiona bago ang engagement party namin noon nakaraang araw.
Ni-research ko ang pa
