“Totoo, Ingy.” Mababang tugon nito kasunod ang pagdilat. “Ikaw? May iba ba bago si Elton?”
Kaswal niyang binawi ang tingin. May binubuhay na ibang pakiramdam sa dibdib niya ang titig ni Zeus. “Wala…”
“Bakit wala?”
“‘Di ba nga sabi ni Tiyo Monching, after college graduation pa dapat ang legal na date? Halos two years pa lang naman no’ng nag-graduate ako. Naging busy sa GN-X, o hindi lang siguro kami nag-meet ng lalaking gugustuhin ko. ‘Tapos, ‘yon—nakilala ko si Elton. ‘Yong girlfriend mo, bakit kayo naghiwalay?”
“Hindi na kami magkaintindihan.”
“Hindi ka man lang kumapit?”
“Mas gusto ko na rin namang bumitaw.”
Katahimikan.
Itinuloy ni Ingrid ang naudlot na pagmamasahe.
“‘Y
