NAIPIT sa trapik sina Zeus at Ingrid palabas ng Maynila kaya lampas alas sais na sila ng gabi nakarating ng Tagaytay. Umuulan pagdating nila kaya naman nadoble ang lamig. Isa sa mga araw sa summer na nakapagtatakang umuulan.
“Masarap mag-bulalo. Dinner muna tayo, Zeus? Para pagdating natin sa hotel, ‘tulog na agad.” Bukas pa naman ang palabas nila kaya susulitin na lang niya ang mga oras na wala pa si Valerie.
“Saan tayo?” si Zeus na nagbawas na ng speed. Dinaanan na nila ang Sky Ranch.
“Marami namang bulaluhan dito pero may alam akong masarap,” binanggit niya ang lugar. “Kumain kami do’n ni Kuya Val. May mga malapit na hotels rin. Kung pagod ka na, do’n na lang rin sa area tayo maghanap ng tutuluyan.” Nag-alok siyang palitan sila ng pagmamaneho, hind
