Nang maihatid si Bianca sa labas ng bahay nila Shania at mahintay siyang makasakay sa taxi ay muli na akong pumasok sa loob.
Napatingin ako sa taas, sa kwarto ng asawa ni Kuya. Anong oras na pero hanggang ngayon ay hindi pa siya lumalabas, hindi katulad ng dati na maaga siyang gumigising para magluto. Tulog pa kaya siya hanggang ngayon dahil sa pagod?
Hinayaan ko na lang muna siya at pumunta na sa kusina. Ako na lang muna ang magluluto ngayon. Naisipan kong gumawa ng stew at nag-prito rin ako ng bacon, egg, and ham.
Natapos na ako at lahat pero wala pa rin siya, hindi pa rin siya bumababa. Maya't maya ay nakarinig ako ng isang kalabog sa taas kaya agad akong napatakbo ro'n at walang anu-anong pinasok ang kwarto niya.
Ganoon na lang ang gulat ko nang makita siyang nakahiga na ng
