"Happy Birthday, Abby."
"Happy Birthday, bunso!"
"Happy Birthday, Auntie."
Natigilan ako at talagang hindi nakapagsalita ng pagbaba ko sa sala ng bahay ngayong umaga dahil maabutan ko ang buong pamilya ko habang sabay-sabay bumabati sa aking kaarawan.
Narito sina Ate April, si Erin na alam kong may pasok sa school pero nasa bahay pa rin.
Sina Ate Alexis at ang mga anak niya.
Si Makoy ay present rin.
At syempre ang anak kong si Andrea na hindi ko namalayan na wala na pala sa tabi ko na kanina lang ay katabi ko pa lang at natutulog pa kaming dalawa.
And yes, araw ko ngayon.
Nangilid ang mga luha at napangiti ako ng sobra dahil hindi ko akalain na sa ilang taon ko rin na nagse-celebrate ng birthday ko ng kami lang ng anak ko ay darating ang araw na muli kong makakasama ang mga kapa
