"Good morning!" Masiglang bati ni Nita na papungas-pungas pa na amo. Nakapaghilamos at nakapagmumog na ito, hindi nga lang nakakapagsuklay at patunay doon ang magulo nitong buhok. Pero hindi ito nakabawas sa kaniyang maganda. Natural na itong maganda maliban siyempre sa may pasa nitong pisngi. Hindi naman ganoon kaitim pero halata pa rin.
Sa silid nga ito ni Nita natulog at mahimbing siyang nakatulog. Mas nauna pa ngang nagising si Nita at tinanghali na siya sa sarap. Pakiramdam ni Rica ay nakapagpahinga siya ng maayos kahit paminsan-minsan ay kumikirot ang kaniyang pisngi at palad. Kaya niya namang tiisin kaya hindi na siya nagkomento.
"Good morning too!" Sagot niya sa dalaga at naupo stool na naroon. Pagkaupo niya ay nilapag na rin ni Nita ang nilutong chicken soup sa kaniyang harapa
