NAPASAPO si Solana ng ulo nang magising siya na nanakit ang kanyang ulo. At mayamaya ay bigla siyang napabalikwas ng bangon nang maalala niya ang lahat ng nangyari. Isa-isang bumalik sa isip niya ang mga nangyari. Ang pagsama sa kanya ni Nicolai sa Italy. At ang bakbakan na naganap sa pagitan nito at sa mga armadong grupo habang sakay sila ng bulletproof ng kotse. At kung hindi lang siguro iyon bulletproof ay baka laman na siya ng balita ngayon. At baka pinaglalamayan na siya.
At sa halip na i-welcome siya ng bansang Italy. Mukhang na-welcome siya ng panganib. Literal na welcome to hell siya.
At hindi naman niya napigilan ang mapaisip ng sandaling iyon kung sino ba talaga si Nicolai. Sigurado siyang hindi ito ordinaryong tao. At sigurado siyang mali ang iniisip niyang isa itong prinsipe
