NANATILING nakasubsob si Solana sa dibdib ni Nicolai dahil ramdam pa din niya ang pagkahilo, hindi dahil sa sakit na nararamdaman ng katawan, kundi dahil sa nakita niyang ginawa ni Nicolai kay Rojan. Nanatili nga din ang kamay ni Nicolai sa likod niya.
At mayamaya ay naramdaman niya ang paggalaw nito. Naramdaman nga din niya na bubuhatin siya in a bride style pero bago pa siya nito mabuhat ay pinigilan na niya si Nicolai nang hawakan niya ito sa braso.
"Iyong...sugat mo, Nicolai," wika niya sa mahinang boses ng mag-angat siya ng tingin dito. "Baka bumuka," dagdag pa na wika niya. Naalala kasi niya ang sugat nito sa tagiliran, fresh pa iyon at kung bubuhatin siya nito ay paniguradong bubuka muli iyon at dudugo. At dahil nakatingin siya dito ay may napansin siyang kakaiba sa ekspresyon ng
