DALAWANG araw din nanatili si Solana sa ospital bago siya pinayagan ng doctor na lumabas. At sa loob ng dalawang araw na iyon ay hindi umalis si Nicolai sa tabi niya.
Lalabas lang ito saglit sa private room kung nasaan siya pero agad din naman itong babalik. At sa pagbalik ay may bitbit na itong makakain. At madalas ay sa cellphone na ito nakikipag-usap kung sino man ang kausap nito o kung hindi naman ay si Angelo ang pupunta doon para mag-report kay Nicolai.
Tumingin naman si Solana sa labas ng bintana. At mayamaya ay napahawak siya sa kamay ni Nicolai nang makita niya na may nag-overtake sa kanila na isang itim na sasakyan. Hindi niya maiwasan ang makaramdam ng takot ng sandaling iyon. Baka kasi mga armadong lalaki na naman iyon at kunin siya. At nang sandaling iyon ay naramdaman niya
