MABILIS na ipinikit ni Solana ang mga mata nang maramdaman niya ang pagpihit ng seradura ng pinto sa kwartong tinutuluyan. Alam na kasi niya kung sino ang gustong pumasok sa kwarto na tinutuluyan ng sandaling iyon.
Si Nicolai.
At hindi nga siya nagkamali dahil pagbukas ng pinto ay agad niyang naramdaman ang init ng titig na pinagkakaloob nito sa kanya, hindi lang iyon. Naamoy din niya ang mabangong amoy nito na nanunuot sa kanyang ilong.
Nagkunwari naman siyang mahimbing na natutulog. Halos pigil din niya ang kanyang hininga ng sandaling iyon. Nagkunwari siyang natutulog dahil ayaw niyang makaharap o makausap man lang si Nicolai.
Masama kasi ang loob niya sa lalaki dahil hinayaan nito ang bisita nito na saktan siya. Hindi man nga lang nito sinita ang bisita sa pananakit na ginawa n
