KASABAY ng pag-iyak ng anak ko ay ang sunod-sunod na paglitaw ng mga eksena sa isip ko.
Nakikita ko ang magiging buhay ng anak ko.
Pangungutya.
Panunukso.
Dalamhati.
Paghihiganti.
KAMATAYAN.
Hindi ko mapigil ang pag-agos ng luha ko. Nakikita ko ang dadanasin ng anak ko!
Magiging malupit sa kaniya ang mga tao.
Si Zyl.
Magiging malupit sa kaniya ang kaniyang ama!
Hindi.
"Zyl..." bulong ko.
NAABUTAN ko sa loob ng bahay na nakatunghay sina Lola at JM kay Ayla habang binabalot naman sa malinis na tela ang sanggol. Agad kong nilapitan si Ayla na puno ng pawis ang mukha at kinukunan ng midwife ng blood pressure. Nakita ko ang pagkataranta ng midwife kaya bigla akong kinabahan.
"Ano pong nangyari?" takot na takot na tanong ko habang hawak ang kamay ni Ayla. "Babe, you m
