NAPATITIG ako kay Awina habang yumuyugyog ang balikat niya dahil sa pinipigil na tawa. Lumingon siya sa akin at ngumiti.
Dang!
Kaya pala. Kaya pala pamilyar sa akin ang ngiti niya nang una niya akong nginitian kanina! Sa kaniya ang ngiting nakita ko kay Zyl! Kung gano'n...
Si Awina ang gumaya kay Zyl nang gabing iyon? Kung ganoon ay nilinlang niya ako para mapatay ko si Zyl!
Napakuyom ako ng kamao. Biglang bumugso ang galit dito sa dibdib ko. Nagpalinlang ako sa hinayupak na engkantong ito!
Pinipigil ko ang galit habang nakatitig kay Awina. Pakiramdam ko lalong naninilim ang paningin ko dahil sa pagpipigil ng galit.
"Sabihin mo sa akin, Awina. Ilang beses na tayong nagkita?" I asked between gritted teeth. Pakiramdam ko anumang sandali ay may tutulong dugo mula sa palad ko dahil
