BUMABA si Marione sa tree house na hindi naman ganoon kataas at humarap sa amin ni Res. Si Marione ang dating nililigawan ni Zyl ngunit hindi namin alam bakit hindi na itinuloy ni Zyl ang panliligaw sa dalaga.
Tiningnan kami isa-isa ni Marione na para bang naghihintay ng paliwanag tungkol sa narinig.
"Guys, totoo ba ang narinig ko tungkol kay Zyl at kay Ayla?" paninigurado niya.
Napabuntong-hininga kami ni Res habang 'yong tatlo ay nanatiling tahimik lang.
"Kung ano man ang narinig mo ay huwag mo nang isipin, Marione. Mas makakabuti kung huwag mong ipagsabi sa kahit na kanino."
"Pero, Win..."
"You better keep it to yourself, Mar."
"Pero gusto kong malaman kung ano ang nangyari kay Zyl! May pinagsamahan din naman kami and we're friends! Bakit hindi ko kailangang malaman?"
"L
