HANNAH
Naalimpungatan ako nang marinig ang malakas na pag-iyak ni Bella Rae mula sa kanyang crib. Isang buwan na ito at isang buwan na rin akong walang maayos na tulog. Hindi ko naman maaaring istorbohin si Apollo dahil alam kong pagod rin siya sa trabaho at negosyo namin. Hindi biro ang maging ina dahil hindi ko kayang tiisin ang anak ko.
Inalis ko ang braso ni Apollo sa aking bewang at bumangon. Humikab ako ng isang beses bago tuluyang tumayo at lumapit sa crib ni Bella. Yumuko ako at inabot ang hita nito at hinipo kung basa ang lampin. Nang malaman na hindi ay mahina ko itong tinapik.
"Shh, shh. Mommy is here, sweetie." Bulong ko ngunit hindi pa rin ito tumitigil sa pag-iyak.
Napabuntong-hininga ako at binuhat ito mula sa crib at inilagay sa aking mga bisig. Mahina akong umugoy upan
